लावणी १८ वी
जिव तिळ तिळ देते सख्या तुसाठीं ॥धृ०॥
शुद्ध भाव माझा, पाईं प्रीत पणाची
भरावया आलि नवती पहिल्या शिणाची
सय घडोघडि होते तुमच्या गुणाची-समयानें गांठी ॥१॥
अढळ पुण्ययोगे आपल्या गडया या पडाव्या
भगीरथ यत्न आमच्या तुमच्या गोष्टी घडाव्या
आतां उभयपक्षीं पुरत्या ममता जडाव्या-जेउं एकताटीं ॥२॥
तुझ्या भेटीसाठी मोठी घार होते मी
आडजुड ठाइ ठाइ उभी राहते मी
दिसामधुन लाखो वेळ मुख पाहते-मी लागते पाठीं ॥३॥
हार कंठिंचा मी म्हणते प्राण जिव्हाळा
आधिं घेतला हो, येवढा भार सांभाळा
नित्य जवळ गाणें गाती होनाजी बाळा- बरी साधी धाटी ॥४॥
शुद्ध भाव माझा, पाईं प्रीत पणाची
भरावया आलि नवती पहिल्या शिणाची
सय घडोघडि होते तुमच्या गुणाची-समयानें गांठी ॥१॥
अढळ पुण्ययोगे आपल्या गडया या पडाव्या
भगीरथ यत्न आमच्या तुमच्या गोष्टी घडाव्या
आतां उभयपक्षीं पुरत्या ममता जडाव्या-जेउं एकताटीं ॥२॥
तुझ्या भेटीसाठी मोठी घार होते मी
आडजुड ठाइ ठाइ उभी राहते मी
दिसामधुन लाखो वेळ मुख पाहते-मी लागते पाठीं ॥३॥
हार कंठिंचा मी म्हणते प्राण जिव्हाळा
आधिं घेतला हो, येवढा भार सांभाळा
नित्य जवळ गाणें गाती होनाजी बाळा- बरी साधी धाटी ॥४॥